واحشني ... بقلم محمد مرجان

 واحشني اقول وحشتيني

وانا عيونك قصاد عيني

بحبني لما بتحبي

وبتبسم لبسماتك

بحسًني لما بتحسي

بذاتي جوه من ذاتك

قوليلي بتحضنيني ازاي؟؟

وكفينك بعيد عني

قوليلي بتدخليني ازاي؟؟

وحاسبي ما تخرجيش مني

انا اللي بعمري ما احتاجتش

ولا مخلوق يكلمني

ورب العرش محتاجلك

وجودك شيء مطمني 

بحبك والحروف جمعاً

لو اختلفوا ..بيتفقوا

ان انفاسك بتحييني

بحبك والوجود تماً

لو اجتمعوا لو اختلفوا 

حبًك وحده ماليني 

محمد مرجان morgan