تضاريس الحب بقلم سمير البحر

تضاريس الحب
*********
لو تأملنا المشاعر
تشوف فى العشاق
تضاريس كل السنة
سعد وهنا.....حزن وضنا
شوق ولهفة ...قرب وجفا
قلوب مزهزهة. ..قلوب حائرة
زى الزهور بتذدهر فى الربيع
عاشق يشترى وعاشق يبيع
قلوب زاهية وباهية واحساس وديع
ويأتى الصيف بخفة ودلع
وقلب فى ولع وقلب اتوجع
وقلوب تتلاقى وتعشق
وقلوب تقسى وقلوب تشفق
ومع برودة الشتا حضن ودفا
وضباب وشبورة
وشدو شحرورة
وتشوف زعابيب
 وجفا حبيب
ودموع غزيرة
من عيون أميرة
وحبات مطر
ما على البال خطر
وكلام على الوتر
ويأتى الخريف تتبدل مشاعر
وتأتى بشائر
وتتوالى الفصول
ايا كان المحصول
****&****
سمير بحر
****&****