الشاعر حسن الدسوقي

قصيدة/ الشاعر
بقلم/ حسين الدسوقي
لعام/ 2017 م
النوع/ مجتمعيه
الشعر/ العامي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر مش باسمه وخلاص
الشاعر مش شاعر بالناس
الشاعر حب واخلاص
الشاعر كلمه باحساس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر أهـه جو سكون
طير بيرفرف جو سجون
ريحة الشاعر مسك وعنبر
منين ما يروح ومنين ما يكون
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشعر حطاب ماشي
ف صحرا وفاسه ف ايده
يضرب ارضه يفجر
نهره وخير يزيده
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر زي الكون مفتوح
بيداوي قلوب مليانه جروح
فاللي بيشكي واللي بيحكي
كله ف جوه قصيدته يبوح
وهو بيسمع عادي ومسلم
هايقول ايه وازاي يتكلم
وهو الستر حداه طموح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الناس بتقول الشاعر كدبه
وكل كلامه كدب ف كدب
وانا بتحدي اي انسان
لو هايعبي ف مليون عب
يكفي انه بكل سهوله
بيرسم الف طريق للحب
كالارض المرويه المبلوله
صالحه اكيد كي تنبت حب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اكتر ناس مجروحه الشعرا
بس الجرح ما بيعلمش
يوجع يكسر يئلم يمكن
لكن دمه ما بينزفش
وان سألوك عن شاعر مات
قوله : الشعرا ما بتموتش
فاحرت ارضك وازرع وردك
واجني الشوك وما تصرخش
اصل كتير ف الدنيا وياما
زرعوا الشوك لقيوه ماطرحش
كل الناس ف الدنيا بتقلع
الا الشاعر ما بيقلعش
هو يدوبك يروي ويزرع
لكن حصد وكسب ملهش
اصل الشاعر قصة جميلة
منها العبره وحكمه جليلة
ممنوع فيها كلام الغش
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فالشاعر مش باسمه وخلاص
الشاعر مش شاعر بالناس
الشاعر حب واخلاص
الشاعر كلمه باحساس